जी टी रोड़ प चलै डठोरा पीर मेरे दयावान का भजन लिरिक्स

Bhajan Name- G T Road Pa Chale Dathora Peer Mere Dayawan Ka bhajan Lyrics ( जी टी रोड़ प चलै डठोरा पीर मेरे दयावान का भजन लिरिक्स )
Bhajan Lyric – Gajendra Swami
Bhajan Singer -Lucky Bhardwaj Picholiya
Music Label-

जी टी रोड़ प चलै डठोरा,
पीर मेरे दयावान का,
पक्के पुल पै राज करै सै,
अवतारी भगवान का।।

संग रहै सबल सिंह बोरी,
कंधे पै सजा के दो नाली,
अली इलाही बाबा,
देवों की शक्ति महाकाली,
देवो की शक्ति महाकाली,
बाहुबली वोह बलशाली,
हनुमान आधार जहाँन का,
पक्के पुल पै राज करै सै,
अवतारी भगवान का।।

सब शक्ति गेलयां लेकै,
वोह खेल दिखावै बड़े बड़े,
उजड़याँ न तुरंत बसावै,
वोह संकट काट्टै अडे अडे,
वो संकट काटै अडे अडे,
हाथ मसलते रहज्यां खडे़,
जादू देख जादूवान का,
पक्के पुल पै राज करै सै,
अवतारी भगवान का।।

लंगडे़ भी दौड़ते देखे,
इसकी चोखट प आकै नै,
अधिकारी मन्त्री सारे,
जावैं सै शीश झुकाकै नै,
जावैं सैं शीश झुकाकै नै,
भेजै स काम बणाकै नै,
गरीब और धनवान का,
पक्के पुल पै राज करै सै,
अवतारी भगवान का।।

कहै कुड़लाण आला गजेन्द्र,
सब माया हरि नीराले की,
अवतार भेजकै देवै,
प्रभू रोशनी अपणे उजाले की,
प्रभू रोशनी अपणे उजाले की,
उस जगत रचावण आले की,
नही पता किसे नै शयान का,
पक्के पुल पै राज करै सै,
अवतारी भगवान का।।

जी टी रोड़ प चलै डठोरा,
पीर मेरे दयावान का,
पक्के पुल पै राज करै सै,
अवतारी भगवान का।।

इसे भी पढे और सुने-