जाड़ो ज़ोर को पडै हैं म्हारा श्याम भजन लिरिक्स 

जाड़ो ज़ोर को पडै हैं म्हारा श्याम,
थे भी थोड़ो सो ध्यान राखजो,
जाड़ो ज़ोर को पडै हैं म्हारा श्याम,
थे भी थोड़ो सो ध्यान राखजो,
चालै पुरवाई की सीली-सीली भाल
सिगड़ी को इंतज़ाम राखजो II

मरुधर की बालू जाड़े में बर्फ़ सरी हो जावै,
कड़–कड़ काँपै दाँत ठंड सै सर्दी घणी हो जावै,
बागो ऊन को सिमाल्यों बाबा श्याम,
थे मंदिर मै निवांच राखजो,
ताता पानी सै थे कीजो स्नान,
सिगड़ी को इंतज़ाम राखजो II

गुंद-का लाड़ू कै सागै थे,
दूध केसरियो पीजो,
गरम गरम बादाम कै सीरे को,
ही कलेवो कीजो,
जिम्याँ पाछै खाजो लुंग वालो पान,
एसो ही खान-पान राखजो,
बाबा थामै ही बसी जी म्हारी जान,
थे भी थोड़ो सो ध्यान राखजो II

बहुत घणेड़ो पडै कुहासो ओस की बूँदा बरसे,
कोमल होठ थारा फट जासी कम निकलो मंदर से,
कइयाँ बांसुरी की छेड़ोगा थे तान ?,
होंठां पै चिकणास राखजो,
घी की डिब्बी और मलाई म्हारा श्याम,
हमेशा ख़ुद कै पास राखजो II

जद भी सोनै जाओ बाबा मखमल सेज बिछाजो,
दरवाजै पै मोटा-मोटा पर्दा भी लगवाजो,
सरिता-गोलू की थे अरजी सुनो श्याम,
म्हारो भी थोड़ो मान राखजो,
थारी चिंता घणी सतावै म्हानै श्याम,
थे आपको ख्याल राखजो …

जाड़ो ज़ोर को पडै हैं म्हारा श्याम,
थे भी थोड़ो सो ध्यान राखजो,
जाड़ो ज़ोर को पडै हैं म्हारा श्याम,
थे भी थोड़ो सो ध्यान राखजो,
चालै पुरवाई की सीली-सीली भाल
सिगड़ी को इंतज़ाम राखजो II

🙏🏻Stay Blessed and Stay Connected with us🙏🏻❤️