म्हाने बेगो बुलाल्यो बाबा श्याम भजन लिरिक्स

Bhajan Name- Mhane Baigo Bulalyo Baba Shyam Lyrics ( म्हाने बेगो बुलाल्यो बाबा श्याम भजन लिरिक्स )
Bhajan Lyric – Navin Kumar (Gonu)
Bhajan Singer – Naresh Gupta
Music Lable- Lakhdatar Music&films

म्हाने बेगो बुलाल्यो बाबा श्याम,
बसा ल्यो थां के गाँव,
ओ खाटू वाला श्याम धणी,
ओ लीले वाला श्याम धणी ।।

तर्ज – थासु विनती करा हाँ।

म्हारो भी मन बहोत करे है,
खाटू में रम जाऊं,
दिन उगवा सु पहल्या बाबा,
थारा दरशन पाऊं,
थाने मीठा तो भजन सुनाऊँ,
थाने तो अपनों बनाऊं,
ओ खाटू वाला श्याम धणी,
ओ लीले वाला श्याम धणी ।।

श्याम कुंड को जल बहवे है,
देखो अमृत गारी,
जो भी न्हावे श्याम कुंड में,
वी पे किरपा न्यारी,
मैं तो रोज ही डुबकी लगाऊं,
अपना तो दोष मिटाऊं,
ओ खाटू वाला श्याम धणी,
ओ लीले वाला श्याम धणी ।।

जद जद थारी याद सतावे,
मैं दर पर आ जाऊं,
देख के थारो मुखडो बाबा,
मैं तो खुश हो जाऊं,
थाने पल पल खबर बताऊँ,
तन मन की बात बताऊँ,
ओ खाटू वाला श्याम धणी,
ओ लीले वाला श्याम धणी ।।

या ही तमन्ना म्हाकी बाबा,
थे ही ध्यान धरोला,
भक्ता की तो खाटू वाला,
थे ही अर्ज सुनोला,
म्हाने थासे ही हरदम आस,
थारो ही तो विश्वास,
ओ खाटू वाला श्याम धणी,
ओ लीले वाला श्याम धणी ।।