श्री गिरिराज वास मैं पाऊं भजन लिरिक्स

Bhajan Name- Shri Giriraj Vas Mai Pau Lyric ( श्री गिरिराज वास मैं पाऊं भजन लिरिक्स )
Bhajan Lyric – Traditional
Bhajan Singer – Roshni Pandey
Music Lable-

श्री गिरिराज वास मैं पाऊं,
ब्रज तज बैकुंठ ना जाऊं ।।

देखे – बिहारी घर मेरा बृज में।

विचरूं मैं लता पतन में,
गिरिराज तरहटी बन में,
राधाकुंड गोवर्धन में,
आन्यौर जतीपुरा जन में,
कुंडन के कर असनान,
करूं जलपान परयौ रहूं रज में,
दीजौ प्रभु बारंबार,
जनम मोहे ब्रज में,
जो कछु मिले प्रसाद,
पाय के गोविन्द के गुण गाउं,
ब्रज तज बैकुंठ ना जाऊं,
श्री गिरीराज वास मैं पाऊं,
ब्रज तज बैकुंठ ना जाऊं ।।

पक्षिन में मोर बनाइयों,
कदमन में वास बनाइयों,
गिरवर पै नाच नचैयौ,
करूना करके कौह कैयौ,
झालर घंटन की घोर,
करूं सुन शोर शब्द शंखन के,
धारें मन मोहन,
मुकुट मोर पंखन के,
नेत्र सुफल जब होंय करूं,
दरसन निज हिय हरसाउं,
ब्रज तज बैकुंठ ना जाऊं,
श्री गिरीराज वास मैं पाऊं,
ब्रज तज बैकुंठ ना जाऊं ।।

पशु आदिक मौहे बनाइयों,
पर ब्रज को वास कराइयों,
मानसी गंगा जल पइयो,
रज में विश्राम करैयौ,
निज मंदिर को कर वैल,
करूं नित टहल चलूं गाड़ी में,
मैं चारु करूं परिक्रमा की झाड़ी में,
गाड़ी में सामान प्रभु तेरो,
लाद लाद के लाउं,
ब्रज तज बैकुंठ ना जाऊं,
श्री गिरीराज वास मैं पाऊं,
ब्रज तज बैकुंठ ना जाऊं ।।

जो कदंब मोहे किजौ,
तो श्याम ढाक में दीजौ,
दधि लूट लूट के लीजौ,
दौना भर भर भर के पीजौ,
मैं सदा करूं ब्रजवास,
लगी रही आस प्रभु मेरे मन में,
निज जान दास मोय राख,
पास चरनन में,
‘घासीराम’ नाम रट,
छीतर बार बार समझाऊं,
ब्रज तज बैकुंठ ना जाऊं,
श्री गिरीराज वास मैं पाऊं,
ब्रज तज बैकुंठ ना जाऊं ।।

श्री गिरिराज वास मैं पाऊं,
ब्रज तज बैकुंठ ना जाऊं ।।