बोलो मिजाजी कुछ थे बोलो तो सही भजन लिरिक्स

थासू कैईया मनावा म्हारी बात
म्हारा श्याम हठीला बोलो तो सही,
बोलो मिजाजी कुछ थे बोलो तो सही,
हारया थाने पुकारया सारी रात,
म्हारा श्याम हठीला बोलो तो सही,
थासू कैईया मनावा म्हारी बात
म्हारा श्याम हठीला बोलो तो सही II

टालो हो टाल रह्या थे कई दिन सू श्याम,
ऐया ना खेलो म्हारी भावना सू श्याम,
धीरज डोले , टटोलो ना जज़्बात,
म्हारा श्याम हठीला , बोलो तो सही
बोलो मिजाजी कुछ थे बोलो तो सही,
हारया थाने पुकारया सारी रात,
म्हारा श्याम हठीला  बोलो तो सही II

नैना छलकाऊँ कोणी जन जन आगे श्याम,
थारी हलकाई होवे कैईया सहसु श्याम,
थारा ऊँचा रह जासी बाबा ठाठ,
म्हारा श्याम हठीला बोलो तो सही,
बोलो मिजाजी कुछ थे बोलो तो सही,
हारया थाने पुकारया सारी रात,
म्हारा श्याम हठीला बोलो तो सही II

थे हो निराला दाता कलयुग थारे नाम,
“पंछी” विधाता थे ही थासू है आराम,
बेगा बेगा पताद्यो म्हारा काम,
म्हारा श्याम हठीला बोलो तो सही,
बोलो मिजाजी कुछ थे बोलो तो सही,
हारया थाने पुकारया सारी रात,
म्हारा श्याम हठीला बोलो तो सही II