कोई आवे या ना आवे भजन लिरिक्स

Bhajan Name- Koi Aawe Ya Na Aawe Bhajan Lyrics ( ​कोई आवे या ना आवे भजन लिरिक्स )
Bhajan Lyric – Chaitanya Dadhich
Bhajan Singer – Chaitanya Dadhich
Music Lable- Yuki

कोई आवे या ना आवे
यो आड़े आसी जी,
तू टेर लगा ले सांवरिया ने,
दौड़यो आसी जी।।

तर्ज – अफसाना लिख रही हूँ।

सूझे ना जद रस्तो कोई,
होज्या मनड़ो अधीर,
घायल मन की बात यो सुणसी,
आय बंधासी धीर,
धीर बंधासी बाबो,
सिर पर हाथ फिरासी जी,
तू टेर लगाले साँवरिया ने,
दौड़यो आसी जी।।

रोवे जद आंखड़ल्या थारी,
टप टप टपके नीर,
एक एक आँसू ने पौंछे,
दूर भगावे पीर,
पौंछ आंसूड़ा थारा,
हिवड़े लिपटासी जी,
तू टेर लगाले साँवरिया ने,
दौड़यो आसी जी।।

सूरदास मीरा कर्मा सब,
कह गया संत फ़कीर,
लाज बचाई थी द्रोपदी की,
नानी बाई को बीर,
यो ‘चेतन’ करसी जीवन,
भव पार लगासी जी,
तू टेर लगाले साँवरिया ने,
दौड़यो आसी जी।।

कोई आवे या ना आवे,
यो आड़े आसी जी,
तू टेर लगा ले सांवरिया ने,
दौड़यो आसी जी।।

इसे भी पढे और सुने-