श्री देवनारायण भगवान जन्म कथा भजन लिरिक्स

Bhajan Name- Shri Dev Narayan Bhagwan Janam Katha bhajan Lyrics ( श्री देवनारायण भगवान जन्म कथा भजन लिरिक्स )
Bhajan Lyric – 
Bhajan Singer – Prakash Gandhi
Music Label-

श्री देवनारायण भगवान जन्म कथा,

हे बीरु रे मास कहिजे सुधी माघ रो,
कोई बसंत पंचमी री रात बीरु रे,
संवत कहिजे 968 रा,
कोई सपने में दियो रे दिखाई देव रे,
माता साडु तो सुता नींद में रे,
हे मैया ये लाड लडाओ म्हाने प्यार सु,
कोई गोदिया खिलाओ म्हाने खेल मैया ये,
आंचल बिछाओ थारे हिवड़े रो कोई,
सीर म्हाथे राखो म्हारे हाथ माता म्हारी,
आंगन में थारे खेला ला हो।।

हे बीरु रे साडु खिलावें भरीये गोद में,
कोई देव कर रे किलकोल बीरुड़ा,
जननी पुछे वाने बातड़ी कोई,
देव बतावे चारों बात बीरु रे,
नारायण देवे मुख से चेतना हो,
हे मैया ये दुध साचंरे आंचल रो
थारे फुला छावेला नागर बेल माता म्हारी,
आंगन में म्हारा पगलिया मंडे जी कोई,
घडलो ये दुध उफ़ान माता ये,
मालासेरी डुंगरी आवज्यो हे।।

हे बीरु रे आंख खुली रे साडु माता जी री,
कोई सपनों तो गयो वा रो टुट बीरुडा,
उठया झंझटो वे तो खाय ने कोई,
हेलो पाडे रे मांझल रात बीरु रे,
कठे गयो रे म्हारो गीगलो रे,
हे बीरु रे हिरा सुती रे सुखभर नींद में जी,
कोई जागया ढलतोडी माझंल रात बीरुड़ा,
केवे साडु ने मुख सु बोलना जी कोई,
कुण ने खिलाओ साडु माता वो,
कुण तो होयो रे थारे गीगलो ये।।

ऐ हिरा ये सपनों आयो म्हाने चाव सु,
कोई गोदया खिलायो मैं तो लाल हिरा ये,
पगलिया मंडियां म्हारे आंगन में,
कोई दुध आयो ये आंचल माय,
हिरा ये बात बताऊं थाने जीव री कोई,
ऐ हिरा ये चाला मालासेरी डुंगरी,
आपा बालु खिलावा सुनी गोद हिरा ये,
धर्म म्हारो ना डीगे रे कोई,
तीन लोक रा विष्णु देव हिरा ये,
चालो चाला ये आपा साथ में ये।।

हे साडु ये हाथा रचाई महन्दी राचनी कोई,
नैना में सुरमो सार साडु ये,
गुम गुमलो पेरे घाघरों जी कोई,
ओढ़े दिखनी रो चीर बीरुडा,
जावे मालासेरी डुंगरी हो,
हे बीरु रे मालासेरी डुंगरी माथे,
माला जपे है साडु मात बिरुड़ा,
पानी आवे रे डुंगर चीर ने जी कोई,
फुल तेरतो आए बीरुड़ा,
बालक देवे दर्शन मात ने हा।।

हे बीरु रे झोली फैलावें साडु माता जी कोई,
फुल आव रे गोदया माय बीरुड़ा,
भगवान बैठा फुल माय ने जी कोई,
जल बरसें रे भगवान बीरुड़ा,
देव नारायण आया लोक में हा।।

इसे भी पढे और सुने-