छोड़ चाली रे मीरा छोड़ चाली रे भजन लिरिक्स

Bhajan Name- Chod Chali Re Meera Chod Chali Re bhajan Lyrics ( छोड़ चाली रे मीरा छोड़ चाली रे भजन लिरिक्स )
Bhajan Lyric – Dev Sharma Aama
Bhajan Singer -Dev Sharma Aama
Music Label-

छोड़ चाली रे मीरा छोड़ चाली रे,
मतवाली मीरा मेडता ने छोड़ चाली रे,
दीवानी मीरा मेडता ने छोड़ चाली रे।।

मरुधर छोड़ मेडतो छोड्यो,
छोड्यो घर परिवार,
बचपन की सहेल्या छोडी,
छोड्यो माँ को प्यार,
ह्रदय माही सांवरिया ने लेर चाली रे,
मतवाली मीरा मेड़ता ने छोड चाली रे,
दीवानी मीरा मेड़ता ने छोड चाली रे।।

रतन जडीत आभुषण छोड्या,
छोड्या सब श्रृंगार,
पहन रही तुलसी री माला,
छोड्या नोसर हार,
राम नाम की भगवा चादर,
ओड चाली रे,
मतवाली मीरा मेड़ता ने छोड चाली रे,
दीवानी मीरा मेड़ता ने छोड चाली रे।।

उची होकर मीरा देखे,
मेडता रा रूखडा,
ना जाणे अब कद्या देकसी,
पीहरीये रा झोपडा,
मेडतणी दुनिया सु मुखडो,
मोड चाली रे,
मतवाली मीरा मेड़ता ने छोड चाली रे,
दीवानी मीरा मेड़ता ने छोड चाली रे।।

रविदास री चेली मीरा,
राजघरा री बाई,
दुधा जी री पोल्या खेली,
गढ़ चित्तौड़ परणाई,
स्वार्थ की दुनिया से नातो,
तोड़ चाली रे,
मतवाली मीरा मेड़ता ने छोड चाली रे,
दीवानी मीरा मेड़ता ने छोड चाली रे।।

छोड़ चाली रे मीरा छोड़ चाली रे,
मतवाली मीरा मेडता ने छोड़ चाली रे,
दीवानी मीरा मेडता ने छोड़ चाली रे।।

इसे भी पढे और सुने-