Bhajan Name- Aaya Aaya Ji Dadi Ji Mahe To Thare Dham Me bhajan Lyrics ( आया आया जी दादी जी म्हे तो थारै धाम में भजन लिरिक्स )
Bhajan Lyric – Madhu Kedia
Bhajan Singer – Madhu Kedia
Music Lable-
आया आया जी दादी जी,
म्हे तो थारै धाम में,
झिलमिल झिलमिल चमके चंदा,
दादी थारै धाम में,
सोणो सोणो मंदिर सोवै
थारो नीमच धाम में,
सोणो सोणो मंदिर सोवै,
थारो नीमच धाम में।।
तर्ज – मेहंदी राचण लागी।
मन्दिर में दादी थारै,
नोबत बाजे,
सिर सोणे को दादी,
छतर साजे,
चमचम चमके सूरज,
चमचम चमके सूरज,
दादी आज थारै धाम में,
सोणो सोणो मंदिर सोवै,
थारो नीमच धाम में।।
चुनड़ी उढ़ास्यां थाणे,
मेहन्दी लगास्यां,
मोती माणक को दादी,
हार पैहरास्यां,
थारी चुनड़ी को,
थारी चुनड़ी को,
तेज चमके चारों धाम में,
सोणो सोणो मंदिर सोवै,
थारो नीमच धाम में।।
दमदम दमके थारै,
माथे की बिंदिया,
छमछम छमके पैरों,
की पैजनिया,
मोर मोरिया नाचे,
मोर मोरिया नाचे,
दादी आज थारै धाम में,
सोणो सोणो मंदिर सोवै,
थारो नीमच धाम में।।
उत्सव है आयो थारो,
बड़ो अलबेलो,
‘मधु’ को हिवड़ो दादी,
खावै हिचकोलो,
शंख नगाड़ा बाजे,
शंख नगाड़ा बाजे,
दादी आज थारै धाम में,
सोणो सोणो मंदिर सोवै,
थारो नीमच धाम में।।
झूमझूम नाचां दादी,
मौज उड़ास्यां,
मंदिर में आके थारे,
मंगल गास्यां,
थारा लाड लडास्यां,
दादी आज थारै धाम में,
सोणो सोणो मंदिर सोवै,
थारो नीमच धाम में।।
आया आया जी दादी जी,
म्हे तो थारै धाम में,
झिलमिल झिलमिल चमके चंदा,
दादी थारै धाम में,
सोणो सोणो मंदिर सोवै
थारो नीमच धाम में,
सोणो सोणो मंदिर सोवै,
थारो नीमच धाम में।।
इसे भी पढे और सुने-
