Bhajan Name- भगत करे अरदास सांवरा बेगा आवो जी भजन लिरिक्स ( भगत करे अरदास सांवरा बेगा आवो जी भजन लिरिक्स )
Bhajan Lyric – Dev Sharma Aama
Bhajan Singer – Dev Sharma Aama
Music Lable-
हेलो सुण ने आज्यो म्हारा,
सांवरिया सरकार,
थे भगता की विनती सुणज्यो,
भगत करे रे पुकार,
गणी क्यु देर लगाओ जी,
भगत करे अरदास,
सांवरा बेगा आवो जी।।
नामदेव को छपरो छाबा,
आया मंडासो मांड,
लछमी जी ने संग में लाया,
दिदो थाको साथ,
भगत को छपरो छायो जीई,
भगत करें अरदास,
सांवरा बेगा आवो जी।।
धना भगत की खेती बाड़ी,
वाको राख्यो ध्यान,
बाई तुमड्या भोलो भगत वो,
लेकर थारो नाम,
तुमड्या हिरा वेगी जी,
भगत करें अरदास,
सांवरा बेगा आवो जी।।
करमा के घर खीचडला को,
रूज रूज भोग लगाय,
दुर्योधन का मेवा त्यागा,
साग विधुर घर खाय,
भगत की विनती सुणज्यो जी,
भगत करें अरदास,
सांवरा बेगा आवो जी।।
थे ठाकुर मैं चाकर थारो,
सुणज्यो जी सरकार,
पार तो लगाओ सांवरा,
नाव पडी मजधार,
‘देव’ की अरजी सुणज्यो जी,
भगत करें अरदास,
सांवरा बेगा आवो जी।।
हेलो सुण ने आज्यो म्हारा,
सांवरिया सरकार,
थे भगता की विनती सुणज्यो,
भगत करे रे पुकार,
गणी क्यु देर लगाओ जी,
भगत करे अरदास,
सांवरा बेगा आवो जी।।
